सत्ता गठबन्धनको बैठक आज, मन्त्रिपरिषद् विस्तार र एमसीसीबारे छलफल हुँदै
आज सत्ता गठबन्धनका दलहरुको बैठक बस्दै छ ।
बैठक आइतबार बिहान १० बजे बस्न लागेको प्रधानमन्त्री शेरबहादुर देउवाका स्वकीय सचिव भानु देउवाले जानकारी दिएका छन् ।
बैठकमा मन्त्रिपरिषद् विस्तार, सत्ता सञ्चालन तथा अमेरिकी सहयोग परियोजना लगायत विषयमा छलफल हुँदै छ ।
यसअघिको गठबन्धन बैठकमा प्रधानमन्त्री देउवाले दलका शीर्ष नेताहरुसँग पार्टीको तर्फबाट सरकारमा पठाउने मन्त्रीको नाम मागेका थिए । तर, दलहरुले नाम उपलब्ध गराउन सकेका छैनन् ।