काठमाडौंमा भोलि विहान ६ बजेदेखि फोहोर उठाइने
काठमाडौं उपत्यकाका विभिन्न सडक र चोकमा थुपारिएको फोहोर बुधबार विहान ६ बजेबाट उठ्ने भएको छ ।
काठमाडौं महानगरपालिकाका प्रमुख विद्यासुन्दर शाक्यको संयोजकत्वमा काठमाडौंका प्रमुख जिल्ला अधिकारी, सडक विभागका महानिर्देशक, प्रहरी वरिष्ठ उपरीक्षकलगायतको बैठकले फोहोर उठाउने निर्णय गरेको हो ।
काठमाडौं महानगरपालिका, ललितपुर महानगरपालिकासहित नगरपालिकाले सडकको अवस्था बिग्रिएको भन्दै फोहोर उठाउन छाड्दा शहरका सडक, गल्ली, चोक र नदी किनारमा पनि फोहोरका डंगुर छन् ।करिब एक महिनादेखि काठमाडौं उपत्यकाको फोहोर उठ्न सकेको छैन ।
