दार्चुलाका जयसिंह बेपत्ता घटनामा सरकारको अडान प्रष्ट पार्न गठबन्धन दलको आग्रह
प्रधानमन्त्री शेरबहादुर देउवालाई दार्चुलाका जयसिंह धामी बेपत्ता प्रकरणमा सरकारको अडान प्रष्ट पार्न सत्ता गठबन्धनका नेताहरुले आग्रह गरेका छन् ।
सोमबार बसेको सत्ता गठबन्धनको बैठकमा जसपा संघीय परिषद्का अध्यक्ष डा. बाबुराम भट्टराई, माओवादी केन्द्रका नेता नारायणकाजी श्रेष्ठ प्रकाश लगायतले छानविन समितिको प्रतिवेदन आउन ढिलाइ भएकोमा असन्तुष्टि जनाएका छन् ।
उनीहरुले भने, ‘तत्काल प्रतिवेदन ल्याउनुपर्यो, हाम्रो अडान प्रष्ट पार्नुपर्यो र त्यसका आधारमा भारतसँग वार्ता गर्नुपर्यो ।’
गत साउन १५ गते तुइन तर्ने क्रममा भारतीय सीमा सुरक्षा बल ९एसएसबी०का जवानले तार खुस्काइदिँदा जयसिंह धामी महाकाली नदीमा खसेका थिए । घटनाबारे छानविन गर्न भन्दै सरकारले गृह मन्त्रालयका सहसचिवको नेतृत्वमा समिति बनाएको छ । तर अहिलेसम्म समितिले प्रतिवेदन तयार पार्न सकेको छैन् ।
