सभामुख र निर्वाचन आयोगविरुद्ध कानूनी उपचारमा जाने एमालेको निर्णय
निर्वाचन आयोग र सभामुख अग्नि प्रसाद सापकोटाविरुद्ध कानूनी उपचारमा जाने एमाले केन्द्रीय कमिटी बैठकले निर्णय गरेको छ ।
नेकपा एमालेले पार्टीको कारवाहीमा परिसकेका व्यक्तिलाई सनाखत गराएर नयाँ दल दर्ता गरेको भन्दै निर्वाचन आयोगविरुद्ध अदालत जाने निर्णय गरेको हो ।
१४ जना सांसदलाई विधान र कानूनबमोजिम गरिएको कारवाहीलाई अघि नबढाएकोमा सभामुख अग्नि सापकोटा र कारवाहीमा परेका व्यक्तिको सनाखत लिएकोमा निर्वाचन आयोगविरुद्ध कानूनी उपचारमा जाने निर्णय बैठकले गरेको सचिव प्रदीप ज्ञवालीले बताए ।
बैठकले पार्टी विभाजनमा लागेका केन्द्रीय सदस्यहरुको नाम निर्वाचन आयोगमा एमालेको अभिलेखबाट हटाउने निर्णय समेत गरेको छ ।