आज देशभर ३३६५ जनामा कोरोना पुष्टि, १६ संक्रमितको मृत्यु
नेपालमा आज ३३६५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ५५५ नमूना पिसिआर परीक्षण गर्दा २ हजार ३३५ मा संक्रमण देखिएको छ भने ४ हजार ६८७ को एन्टिजेन विधिबाट परिक्षण गर्दा १०३० मा संक्रमण पुष्टि भएको हो ।
यस्तै गत २४ घण्टामा देशभर १६ जना संक्रमितको मृत्यु भएको छ। यससँगै देशभर हालसम्म कोभिडबाट मृत्यु हुनेको संख्या ९ हजार ८०७ पुगेको छ ।
देशभर हालसम्म ३० हजार ३९० जना सक्रिय संक्रमित छन् । बिहीबार १ हजार ३७३ संक्रमणमुक्त भएका छन् ।