काठमाडौंका यी खोप केन्द्रमा भेरोसेल खोपको दोस्रो डोज आजबाट लगाइँदै
काठमाडौंमा आजदेखि भेरोसेल खोपको दोस्रो डोज लगाइँदै छ । दोस्रो डोज खोप आजबाट यही २४ गतेसम्म लगाइने छ ।
गत जेठ २५ गतेदेखि पहिलो डोज भेरोसेल खोप लगाएका नागरिकका लागि स्वास्थ्य कार्यालय काठमाडौंले महानगरभित्र १३ वटा र अन्य नगरमा दुई-दुई स्थानमा खोप केन्द्र तोकेको छ ।
जनस्वास्थ्य मापदण्ड पालना गरी आफूलाई पायक पर्ने केन्द्रमा गई खोप लगाउन कार्यालयले अनुरोध गरेको छ ।
