लुम्बिनी सरकारले मंगलबार प्रदेशको नीति तथा कार्यक्रम प्रस्तुत गर्ने
लुम्बिनी प्रदेश सरकारले भोलि (मंगलबार) प्रदेशको नीति तथा कार्यक्रम प्रस्तुत गर्ने मन्त्रिपरिषद्ले निर्णय गरेको छ ।
सोमबार बसेको मन्त्रिपरिषद् बैठकले मंगलबार दिउँसो ४ बजे आर्थिक वर्ष २०७८/७९ को नीति तथा कार्यक्रम प्रस्तुत गर्ने सरकारका प्रवक्ता एवं आर्थिक मामिला तथा योजना मन्त्री बैजनाथ चौधरिले जानकारी दिएका छन् ।
भोलि ३ बजे सुरु हुने प्रदेशसभा बैठकमा ४ बजे प्रदेश प्रमुख धर्मनाथ यादवले नीति तथा कार्यक्रम प्रस्तुत गर्ने मन्त्री चौधरीले जानकारी दिएका छन् ।
लुम्बिनी प्रदेश सरकारको कोभिड-१९ नियन्त्रण तथा उपचार कोषमा १० करोड थपिएको छ । मन्त्रिपरिषद बैठकले कोरोना उपचारमा थप रकम आवश्यक पर्ने भएपछि रकम थप गरेको मन्त्री चौधरीले बताए ।
दोस्रो भेरियन्ट आएपछि १०-१० करोड गरी २० करोड बिनियोजन गरिसकेको उनले जानकारी दिए ।
