निषेधाज्ञाको उल्लंघन गर्दै अनावश्यक हिँडडुल गर्ने १४५७ जनालाई कारबाही
कोरोना नियन्त्रण तथा रोकथामको लागि आजदेखि लागु निषेधाज्ञाको उल्लंघन गर्दै अनावश्यक हिँडडुल गर्ने १४५७ जना कारबाहीमा परेका छन् ।
उपत्यका प्रहरी कार्यालय, रानीपोखरीका अनुसार उनीहरु काठमाडौं, भक्तपुर र ललितपुरका विभिन्न स्थानमा कारबाहीमा परेका हुन् । साथै ३२० वटा दुई पांग्रे र ४१ वटा चार पांग्रे सवारी साधन कार्वाहीमा परेका छन् ।
प्रहरीका अनुसार उपत्यकामा चेकजाँचमा पनि कडाइ गरिएको छ । काठमाडौंमा ४४, ललितपुरमा ८ र भक्तपुरमा चार स्थानमा चेकपोइन्ट राखिएको छ ।
निषेधाज्ञाको कार्यान्वयनका लागि नेपाल प्रहरी, ट्राफिक प्रहरी महाशाखा र सशस्त्र प्रहरी बलको टोली खटिएको छ ।
बिहीबारदेखि लागु निषेधाज्ञा एकसातासम्म जारी रहनेछ । त्यसपछि पनि एक साता थप गर्ने गरी मन्त्रिपरिषद्ले निर्णय गरेको छ ।
