एमाले महाधिवेशन आयोजक कमिटीकको बैठकमा सहभागी भएका तीन नेतामा कोरोना पुष्टि
एकालेको दशौँ महाधिवेशन आयोजक कमिटीको बालुवाटरमा सहभागी भएका तीन नेतामा कोरोना संक्रमण पुष्टि भएको छ ।
एमालेको दशौँ महाधिवेशन आयोजक कमिटीको बैठकमा सहभागी तीन नेतामा कोरोना संक्रमण पुष्टि भएको हो ।स्थायी कमिटी सदस्य टोपबहादुर रायमाझीलाई मंगलबार कोरोना सङ्क्रमण पुष्टि भएको थियो ।
केन्द्रीय सदस्यद्वय खिमलाल भट्टराई र विष्णु रिजालमा पनि कोरोना पुष्टि भएको छ । रायमाझीलाई उपचारका लागि सैनिक अस्पतालमा भर्ना गरिएको छ ।
भट्टराई र रिजाल भने होम आइसोलेसनमा छन् । वैशाख १० गते एमालेको महाधिवेशन आयोजक कमिटी बैठक बसेको थियो । रिजाल र भट्टराईले मंगलबार आफूहरू सङ्क्रमित भएको खुलाएका छन् ।
रायमाझीलाई भने सोमवारै सङ्क्रमण पुष्टि भएको थियो । यद्यपि बैठक सकिएको दुई तीन दिनपछिमात्रै उनीहरूमा कोरोना सङ्क्रमण देखिएकाले सबै नेताहरू ‘कन्ट्याक्ट ट्रेसिङ’ मा नपर्ने बताइएको छ ।
रायमाझी त्यसपछिको मन्त्रिपरिषद् बैठकमा पनि सहभागी थिए । गण्डकी प्रदेश सभाका पनि तीन सांसदमा कोरोना सङ्क्रमण पुष्टि भएको छ ।