नेपालमा कोरोना भयावह बन्दै, एकैदिन थपिए ३५५६ जना संक्रमित
नेपालमा कोरोना संक्रमण दिनप्रतिदिन बढ्दै गइरहेको अवस्थामापछिल्ल्लो २४ घण्टामा देशभर थप ३५५६ जनामा कोरोना भाइरस संक्रमण पुष्टि भएको छ ।
यस्तै सोही समयमा कोरोना भाइरस संक्रमणबाट थप १२ जनाको मृत्यु भएको छ ।पछिल्लो २४ घण्टामा देशभरका विभिन्न प्रयोगशालामा १२ हजार ४ सय पिसिआर र ८९३ जनाको एन्टीजेन परीक्षण गर्दा तीन हजार ५५६ जनामा संक्रमण पुष्टि भएको स्वास्थ्य तथा जनसंख्या मन्त्रालय जानकारी दिएको छ ।
योसँगै नेपालमा संक्रमित हुनेको सख्या तीन लाख ३ हजार ५६१ पुगेको छ।हाल नेपालमा सक्रिय संक्रमितको संख्या २२ हजार ४३४ पुगेको छ।आज देशभर ३७८ जना संक्रमित निको भई डिस्चार्ज भएका छन्।
हालसम्म २ लाख ७७ हजार ९५१ संक्रमित निको भइसकेका छन्। देशभर ६५ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।
