कोरोना जोखिम बढेपछि कैलालीमा १० दिन विद्यालय बन्द गर्ने निर्णय
कोरोना महामारीको जोखिम बढेको भन्दै कैलालीमा १० दिन विद्यालय बन्द गर्ने निर्णय गरेको छ ।
कोरोना जोखिम जिल्ला कोभिड-१९ संकट व्यवस्थापन केन्द्र डीसीसीएमसीको बैठकले १० दिन विद्यालय बन्द गर्न स्थानीय तहलाई अनुरोध गर्ने निर्णय गरेको हो ।
डीसीसीएमसीका संयोजक प्रमुख जिल्ला अधिकारी खगेन्द्रप्रसाद रिजालले भारतसँगको खुला सीमाका कारण कोरोना संक्रमणको जोखिम बढेको भन्दै विद्यालय बन्द गर्न अनुरोध गरेको बताए ।
सीमा नाकाहरुमा मानिसहरुको आवतजावत बढी भएकोले जिल्लामा कोभिड-१९ को उच्च जोखिम बढेको प्रशासन कार्यालयको सूचनामा उल्लेख छ ।