प्रधानमन्त्री ओलीले आज कोरोनाविरुद्धको खोप लगाउने
आज प्रधानमन्त्री केपी शर्मा ओलीले कोरोनाविरुद्धको खोप लगाउने भएका छन् ।
ओलीले महाराजगन्जस्थित त्रिवि शिक्षण अस्पतालमा आज बिहान पुगेर खोप लगाउने स्वास्थ्य तथा जनसंख्यामन्त्री हृदयेश त्रिपाठीले दिएका छन् ।
प्रधानमन्त्रीले खोप लगाएसँगै कोरोनाविरुद्ध खोप लगाउने अभियानको दोस्रो चरण सुरु हुनेछ ।शनिबार स्वास्थ्य तथा जनसंख्या मन्त्रालयले ललितपुरमा आयोजना गरेको कोभिड-१९ खोप अभियानसम्बन्धी अन्तरक्रिया कार्यक्रममा स्वास्थ्य तथा जनसंख्यामन्त्री हृदयेश त्रिपाठीले प्रधानमन्त्री ओलीले कोभिड-१९ विरुद्धको खोप लगाउनबारे जानकारी दिएका थिए ।
आजदेखि ६५ वर्षमाथिका १६ लाख बढी ज्येष्ठ नागरिकलाई कोरोनाविरुद्धको खोप लगाइने छ ।