पछिल्लो राजनीतिक परिर्वतनसँगै भारतीय र चिनियाँ राजदूत सक्रिय, भेटे देउवालाई
विकसित नयाँ राजनीतिक घटनाक्रमसँगै छिमेकी मुलुक भारतीय र चिनियाँ राजदूतहरु सक्रिय भएका छन् ।नेपालका लागि भारतीय र चिनियाँ राजदूतले नेपाली काँग्रेसका नेता शेरबहादुर देउवासँग भेटवार्ता गरेका छन् ।
पछिल्लो राजनीतिक घटनासँगै भारतका राजदूत विनय मोहन क्वात्रा र चीनकी राजदूत होउ यान्छी सक्रिय भएका छन् ।
बुढानीलकण्ठ स्रोतका अनुसार सर्वोच्च अदालतले फागुन ११ गते प्रतिनिधिसभा विघटन गर्ने सरकारको निर्णय बदर गरेसँगै पछिल्लो विकसित राजनीतिक घटनाक्रमको विषयमा राजदुतद्वयले देउवासँग छलफल गरेका हुन् ।
प्रधानमन्त्री केपी शर्मा ओली नेतृत्वको सरकारले पुस ५ गते संसद् विघटन गर्ने निर्णय गरेको थियो । उक्त निर्णयलाई राष्ट्रपति विद्यादेवी भण्डारीले स्वीकृत गरेकी थिइन् । सर्वोच्च अदालतले फागुन ११ गते उक्त असंवैधानिक कदमलाई बदर गरेको छ ।
नयाँ राजनीतिक घटनाक्रमपछि अब संसदमा गएर सहकार्यका लागि भन्दै नेकपाका अध्यक्ष पुष्पकमल दाहाल र माधव नेपाल बुधवार देउवा निवास पुगेका थिए ।
