काठमाडौंमा हिटर सर्ट भएर आगलागी हुदाँ एक वृद्धको मृत्यु
बागमती प्रदेश स्थित काठमाण्डौको कलङ्कीको खड्का गाउँमा आगलागी हुँदा एक जनाको मृत्यु भएको छ ।
जाडो छल्न विद्युतीय हिटर बालेर सुतेका ८६ वर्षका शिवराम खड्काको जलेर मृत्यु भएको प्रहरीले जनाएको छ ।
आफ्नै घरको दोस्रो तलाको कोठामा हिटर बालेर सुतेका खड्काको जलेर ज्यान गएको महानगरीय प्रहरी वृत्त कालीमाटीले जानकारी दिएको छ ।
हिटर बालेर सुतेकै बेला विद्युत सर्ट भएर आगलागी भएको प्रहरीको अनुमान रहेको छ । खड्काको छाती, पेट र ढाड पुरै जलेको अवस्थामा भेटीएको प्रहरीले जनाउको छ ।
घरमा रहेका अरु मानिसले जलेको गन्ध आएपछि मात्रै थाहा पाएका थिए । थाहा पाउँदा खड्काको ज्यान गइसकेको पाइएपछि उनीहरुले प्रहरीमा खबर गरेका थिए ।