ओलीको प्रतिगमनलाई मत्थर पार्न देशमा शक्तिहरू लागि परेको डा.भट्टराईको आरोप
जसपाको संघीय परिषदका अध्यक्ष डा. बाबुराम भट्टराईले प्रधानमन्त्री केपी शर्मा ओलीले प्रतिगमनलाई मत्थर पार्न खोजिएको भन्दै टिप्पनी गरेका छन् ।
प्रधानमन्त्री ओलीले भारतीय टेलिभिजन जी न्युजलाई अन्तर्वार्ता दिँदै आफू राष्ट्रवादी रहेको देखाउने खोजेको तर्फ सङ्केत गर्दै पूर्वप्रधानमन्त्री समेत रहेका भट्टराईले ट्वीटर मार्फत ओलीको प्रतिगमनलाई मत्थर पार्न देश भित्री र बाहिरी शक्तिहरू लागिपरेको बताएका छन् ।
संसद विघटन गरी निर्वाचन घोषणा गरेको विषयलाई मत्थर पार्न र विषयान्तर गर्न ओलीलाई २०१७ सालपछि महेन्द्रलाई राष्ट्रवादी देखाएजस्तै गर्न खोजिएको भट्टराईको बुझाई छ।
भट्टराईले भनेका छन् ”ओली प्रतिगमनलाई मत्थर गर्न,विषयान्तर गर्न र अन्तत: स्थापित गर्न २०१७ सालपछि महेन्द्रलाई झैं महान् राष्ट्रवादी, हक्की,साहसी,कसैसंग नझुक्ने आदिइत्यादि प्रायोजित पगरी भित्री/बाहिरी शक्तिहरूबाट गुथाइनेछ। नेपाली जनता र देशलाई उही निर्ंकुशता र अल्पविकास/परनिर्भरतामा फसाइनेछ! चेतना भया!”
