चिनियाँ दुतावास अगाडी प्रदर्शन, १७ जना पक्राउ
नेपालस्थित चिनियाँ दूतावास अगाडी नेपालमा चिनियाँ हस्तक्षेप बढेको भन्दै विरोध प्रदर्शन गरेका छन् ।
बु्धबार बिहान नेविसंघको अगुवाइमा भएको विरोध प्रदर्शनका १७ जना प्रदर्शनकारीहरूलाई प्रहरीले नियन्त्रणमा लिएको छ ।
प्रदर्शनकारीहरूले नेपालमा चिनियाँ हस्तक्षेप भएको भन्दै त्यसको विरोधमा नाराबाजी गरेका थिए ।प्रदर्शनमा उत्रिएका १७ जनालाई प्रहरीले नियन्त्रणमा लिएको छ ।
प्रधानमन्त्री केपी शर्मा ओलीले पुस ५ गते प्रतिनिधि सभा विघटन गरेसँगै हरेक दिन सरकारको विरोधमा समेत प्रदर्शन भइरहेको छ ।
आइतबार मात्र चिनियाँ उपमन्त्री गुओ यैचोसहितको टोली नेपाल आएको थियो र नेपालका प्रधानमन्त्री ,राष्ट्रपति, देउवा, प्रचण्ड, माधव, सभामुख, झलनाथ लगायत नेतालाई भेटेको थियो । उनीहरुले नेपालको पछिल्लो राजनीतिक अवस्थाको बारेमा पनि चासो देखाएका थिए ।
उपमन्त्री गुओ यैचोले आफूहरु २०२१ मा चिनियाँ कम्युनिस्ट पार्टी स्थापना भएको एक सय वर्ष पुग्ने सन्दर्भमा नेपाल आएको बताए ।
यो सन्दर्भमा चिनियाँ कम्युनिस्ट पार्टी र नेपालका प्रमुख पार्टीहरुबीच आपसी सम्बन्ध र नेपाल-चीन सम्बन्ध अझ राम्रो र सुमधुर बनाउन आफूहरु नेपाल आएको पनि उल्लेख गरेका थिए ।