ओलीको असंवैधानिक र अलोकतान्त्रिक कदमविरुद्ध काठमाडौंमा जसपाको प्रदर्शन
संसद् विघटनविरुद्ध जसपा नेपालले आज काठमाडौंमा विरोध प्रर्दशन गरेको छ ।
संसद् विघटन गर्ने प्रधानमन्त्री केपी ओलीको असंवैधानिक, अलोकतान्त्रिक र प्रतिगमनकारी कदमको विरुद्ध काठमाडौंमा विरोध प्रर्दशन गरेको हो ।
संसद भंग गर्ने ओलीको कदमविरुद्ध प्रदर्शन गरिएको जसपाले जानकारी दिएको छ ।जसपाले ओलीको कदम असंवैधानिक भएको भन्दै त्यसलाई खारेज गर्न माग गरेको छ ।
रत्नपार्क शान्तिबाटिकाबाट जुलुस सुरु भएको छ । पुतली सडक हुँदै पुनः शान्तिबाटिकामै पुगेर विरोध र्याली कोणसभामा परिणत हुनेछ ।
कार्यक्रमलाई पार्टीका वरिष्ठ नेताहरु डा. बाबुराम भट्टराई, महन्थ ठाकुर, अशोक राई लगायतले सम्बोधन गर्ने तय भएको छ ।
