नेपालमा थप १ हजार २१७ जना कोरोना पुष्टि, १२ संक्रमितको मृत्यु
नेपालमा थप १ हजार २१७ जना कोरोना पुष्टि भएको छ । योसँगै नेपालमा कुल कोरोना संक्रमितको संख्या २ लाख ४५ हजार ६५० पुगेको स्वास्थ्य तथा जनसंख्या मन्त्रालयले जानकारी दिएको छ।
आज १ हजार ६४ जना कोरोनामुक्त भएका छन्। योसँगै कोरोना निको हुनेको संख्या २ लाख ३१ हजार ६ सय १ पुगेको छ।
आज १२ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ६ सय ६३ पुगेको मन्त्रालयको तथ्यांकमा उल्लेख रहेको छ ।
पछिल्लो २४ घण्टामा ७ हजार २ सय ३२ जनाको पिसिआर परीक्षण भएको छ। नेपालमा हालसम्म १८ लाख १३ हजार २ सय ४ जनाको पिसिआर परीक्षण भएको छ।
नेपालमा हालसम्म कुल संक्रमितमध्ये १२ हजार ३ सय ८६ जना सक्रिय संक्रमित छन्।