काठमाडौंमा आजदेखि एन्टिजेन विधिबाट कोरोना परीक्षण सुरु, रिपोर्ट आधा घण्टाभित्र आउने
काठमाडौं उपत्यकामा कोरोना परीक्षणको लागि सरकारले आजदेखि नयाँ विधि एन्टिजेन परीक्षण सुरु गर्ने भएको छ ।
काठमाडौं महानगरपालिका जोखिमपूर्ण स्थान र पहिचान गरी पहिलो चरणमा परीक्षण गर्न लागेको राष्ट्रिय इपिडिमियोलोजी तथा रोग नियन्त्रण महाशाखाका प्रमु्खले जानकारी दिएका छन् ।
सरकारले पहिलो पटक समुदायस्तरमा एन्टिजेन परीक्षण सुरु गर्न लागेको हो । कोरोना पहिचानमा एन्टिजेन परीक्षण विधि नयाँ हो ।
जसअनुसार परीक्षणको रिपोर्ट आधा घण्टाभित्र आउने र कुनैपनि व्यक्तिको शरीरमा कोरोना संक्रमण हुन लागेको दुई तीन दिनभित्रै भाइरस पत्ता लाग्ने जनाइएको छ ।
एन्टिजेन परीक्षण आज महानगरपालिकाले जोखिम पहिचान गरेको गौरीघाट, चाबहिल, बिशालनगर, धुम्बाराही, बत्तिसपुतली र मित्रपार्कमा परीक्षण गरिनेछ ।
काठमाडौं महानगरपालिकाको ४, ७ ,९ वडामा पहिलो भोली र मंसिर १७ मा १४, १६, १० वडाका जोखिम स्थान तोकी परीक्षण हुने छ ।
बिश्व स्वास्थ्य संगठन डब्ल्युएचओका अनसार यो परीक्षणमा ८५ प्रतिशत परिणाम हुने मान्यता छ ।
यो एन्टिजेन परीक्षणका लागि नेपाल सरकारलाई १७ हजार किट एनआरएन जापानले उपलब्ध गराएको हो ।