आज थप ११ जनाको कोरोनाबाट मृत्यु, मृतक संख्या ५२० पुग्यो
नेपालमा २४ घण्टामा थप ११ जना कोरोना संक्रमितको मृत्यु भएको छ।
आठ वटा जिल्लाका ४ महिला र ७ पुरुष गरी ११ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा कोरोना संक्रमित मृतकको संख्या ५ सय २० पुगेको छ।
मकवानपुरमा ७८, रुपन्देहीमा ६०, बाँकेमा ५२ र ५९ वर्षीय पुरुष र सुर्खेतमा ७५ वर्षीया महिलाको मृत्यु भएको छ। त्यस्तै, मोरङमा २७, ललितपुरमा ३२ र ७० वर्षीय पुरुष, भक्तपुरमा ६१ र ५१, काठमाडौंमा ६७ वर्षीया महिलाको मृत्यु भएको छ।
नेपालमा कुल संक्रमितमध्ये मृत्यु हुने दर ०. ६५ प्रतिशत छ।
