रौतहटबाट स्रोत नखुलेको १५ लाख नेपाली रुपैयाँसहित एक भारतीय नागरिक पक्राउ
रौतहटबाट श्रोत नखुलेको १५ लाख नेपाली रुपैयाँसहित एकजना भारतीय नागरिक पक्राउ परेका छन् ।
रौतहटको सदरमुकाम गौर नगरपालिका २ महादेवपट्टी स्थित दशगजा क्षेत्रमा भारतबाट आउँदै गरेका कांहारलाई शंकाको आधारमा चेकजाँच गर्दा उनको साथबाट १५ लाख रुपैयाँ नेपाली बारामद भएको हो ।
पक्राउ पर्नेमा भारत बिहार सीतामढी बैरगनिया थाना क्षेत्रबन्तरगत असोगी-५ बस्ने वर्ष २० का राजुकुमार कांहार छन् ।
घुँडामाथि रबडको सहायताले लुकाएर ल्याउन लागेको श्रोत नखुलेको नेपाली १५ लाख रुपैयाँ बरामद भएको रौतहट प्रहरी प्रमुख एसपी सिद्धिबिक्रम शाहले बताएका छन् ।
उनीमाथि आवश्यक अनुसन्धान भइरहेको प्रहरीले जनाएको छ ।
