आइभरीकोस्टका प्रधानमन्त्री एमाडोउ गन कोलाबालीको निधन
आइभरीकोस्टका प्रधानमन्त्री एमाडोउ गन कोलाबालीको मन्त्रीपरिषद् बैठक लगत्तै निधन भएको छ।
मन्त्रिपरिषद बैठकको क्रममा बिरामी परेका उनको लगत्तै निधन भएको बिबिसीले जनाएको छ ।कोलाबाली फ्रान्समा दुई महिना लगाएर मुटुको उपचार गरी हालै स्वदेश फर्किएका थिए ।
सन् २०१२ मा कोलाबालीको मुटु प्रत्यारोपण भएको थियो । उनी गएको मे २ मा उपचारका लागि फ्रान्स गएका थिए र दुईमहिनापछि स्वदेश फर्किएका हुन् ।
६१ वर्षका कोलाबालीलाई सत्तारुढ पार्टीले आउँदो अक्टोबरमा हुने राष्ट्रपति चुनावका लागि आफ्नो उम्मेदवार बनाउने घोषणा गरेको थियो ।
राष्ट्रपति एलासानी ओटाराले देश शोकमा रहेको बताएका छन् । कोलाबाली मन्त्रीपरिषदको साप्ताहिक बैठकको क्रममा बिरामी परेको र अस्पताल लगिएको उनले बताए । कोलाबालीको अस्पतालमै निधन भएको हो ।
उनको निधनले आउँदो अक्टोबरमा हुने भनिएको चुनावमा अनिश्चितता पैदा गरेको छ ।गएको बिहीबार स्वदेश फर्किएका उनले देशको विकासलाई निरन्तरता दिने बताएका थिए ।
उनी राष्ट्रपति चुनाव जित्ने प्रवल सम्भावना भएका उम्मेदवार ठानिएको थियो । तर उपचारबाट फर्किएको हप्ता दिनमै उनको निधन भएको हो ।
