अबौँ रकम जोगाउन स्टीकर छपाई नेपालमा गर्ने तयारी
सरकार आर्थिक संकटमा फस्न थालेपछि अबौंँ रकम विदेशमा भुक्तानी गर्नुपर्ने अवस्था हटाउन मदिरा र सुर्तीजन्य वस्तुहरुमा टाँसिदै आएको अन्तशूल्क छापाइएको काम स्वदेशमा नै गर्ने तयारी गरिएको छ ।
सुरक्षाको कारण देखाउँदै विदेशी कम्पनीलाई दिर्दै आएपनि आर्थिक संकटमा ध्यानमा राख्दै सरकारले अहिले भने स्वदेशमा नै छाप्ने गरी गृहकार्य अघि बढाएको हो । अर्थमन्त्रालयका अनुसार सरकारी स्वामित्वमा रहेको जनक शिक्षा सामाग्री केन्द वा मुद्रण विभागलाई स्टीकर छपाईको जिम्मा दिनेगरी गृहकार्य अघि बढाएको छ ।
अर्थमन्त्रालय मातहतका निकायलाई आवश्यक पर्ने ४० प्रकार भन्दा बढिका स्टीकर सरकारले यसअघि ग्लोबल टेण्डरमार्फत विदेशमा नै छाप्दै आएको छ ।
‘विषम परिस्थीतिलाई ध्यानमा राखेर उच्च सुरक्षा सर्तकताका साथ स्वदेशी एक सरकारी कम्पनीलाई दिनेगरी गृहकार्य अघि बढेको छ, छिट्टै निर्णयमा पुगिने छ,’ अर्थमन्त्रालयका एक उच्च अधिकारीले बताए । सरकारी कम्पनी कुनबाट कति छपाई गर्ने भन्नेबारे निक्यौल गर्ने जिम्मेवारी आन्तरिक राजस्व विभागलाई मन्त्रालयले दिएको छ ।
विभागका अधिकारीहरुले पनि यसबारे गृहकार्य अघि बढेको बताएका छन । उनीहरुका अनुसार स्वदेशमा नै स्टीकर छपाई अघि बढाउनका लागि एक कार्यदल बनाइएको थियो । स्वदेशी कम्पनीहरुको क्षमतासहित प्राविधिक अध्ययन गरेर विभागका महानिर्देशक विनोदबहादुर कुँवरलाई प्रतिवेदन बुझाइसकेको छ । अदालतदेखि संसदीय समितिको आदेश/निर्देशनमा लामो समयदेखि मदिरा तथा सुर्तीजन्य पदार्थमा टाँसिने अन्तःशुल्क स्टीकर छपाइ प्रक्रियाको रोकिदै आएको थियो ।
तर काम अघि बढाउने भन्दै गत चैत्रमा २ वर्षभित्र ७ अर्ब ८३ करोड थान स्टीकर छाप्ने गरी आन्तरिक राजस्व विभागले विदेशी कम्पनीलाई दिन प्रक्रिया अघि बढाएको थियो ।
