प्रदेश नं २ स्थित धनुषामा एक महिलालाई ट्र्याक्टरले ठक्कर दिँदा मृत्यु भएको छ ।
जिल्ला प्रहरी कार्यालयकाअनुसार धनुषाको सबैला नगरपालिकामा गएराति ट्र्याक्टरले ठक्कर दिँदा एक महिलाको घटनास्थलमै मृत्यु भएको हो ।
ठक्करबाट मृत्यु हुनेमा सबैला नगरपालिका-१२ रघुनाथपुर बस्ने ४२ वर्षीया सुमित्रादेवी साह तेली छन् ।
सबैला र रघुनाथपुरको बीचमा रहेको सशस्त्र बेसक्याम्प नजिक गएराति हुरीबतास आएको समयमा अनटेस्ट (नम्बर नभएको) ट्र्याक्टरले उनलाई ठक्कर दिएको थियो ।
साँझ आएको हावाहुरीबाट बच्नका लागि खेतबाट घरतर्फ फर्किँदै गर्दा अँध्यारोमा ट्र्याक्टरले ठक्कर दिएको र उनको घटनास्थलमै मृत्यु भएको प्रहरीले जनाएको छ ।
ठक्कर दिने ट्र्याक्टर र चालक सबैला नगरपालिका-१२ बरकुरबा बस्ने २२ वर्षीय शम्भु सदा प्रहरीको नियन्त्रणमा रहेका छन् भने मृतक तेलीको शव परीक्षणका लागि प्रादेशिक अस्पताल जनकपुर ल्याइएको छ ।
