स्थानीयवासी र भारतीय सीमा सुरक्षा बलबीच झडप, बाराको बिश्रामपुरमा स्थिति तनावपूर्ण
प्रदेश नं २ स्थित बाराको बिश्रामपुर गाउँपालिका वडा नं. ४ बलिरामपुरमा स्थानीयवासी र भारतीय सीमा सुरक्षा बलबीच झडप भएको छ ।
।
सोमबार बेलुकी बलिरामपुरका केही युवाले एसएसबीका एक जवानलाई कुटपिट गरेको र आज एसएसबीका जवानले खेतमा काम गरिरहेका विश्रामपुरका छोटेलाल साहलाई कुटपिट गरेपछि तनाव उत्पन्न भएको हो ।
बिहान भएको झडपमा अशोक कुमार साह, कमलेश शर्मा, हिरालाल शर्मा, दीपक शर्मा, छोटेलाल साह, मदन साह लगायत घाइते छन् । अशोकको टाउकोमा चोट लागेको छ ।
जवानले कुटपिट गरेपछि तनाव सिर्जना भएको विश्रामपुर ४ का वडाध्यक्ष मदन यादवले जानकारी दिएका छन् । सीमा क्षेत्रमा अहिले ठूलो सङ्ख्यामा दुवैतर्फका सुरक्षाकर्मी परिचालन गरिएको बाराका प्रहरी उपरीक्षक कृष्ण पंगेनीले जानकारी दिए ।
