कोरोना असर : डलरको भाउ अहिलेसम्मकै महँगो
आज नेपाली बजारमा बिहीबार अमेरिकी डलरको भाउ अहिलेसम्मकै महँगो भएको छ ।
नेपाल राष्ट्र बैंकले बिहीबारका लागि अमेरिकी डलर १ को बिक्री दर १ सय २२ रुपैयाँ ५० पैसा तोकेको छ ।त्यस्तै बिहीबार अमेरिकी डलर १ को खरिद दर १ सय २१ रुपैयाँ ९० पैसा तोकेको छ ।
बुधबार अमेरिकी १ डलरको बिक्री दर १ सय २१ रुपैयाँ ३१ पैसा थियो ।अमेरिकी डलरको तुलनामा भारतीय रुपैयाँ कमजोर भएपछि नेपाली रुपैयाँ पनि कमजोर बनेको हो ।
केही महिनायता कोरोना भाइरसका कारण विश्व बजार प्रभावित छ । अमेरिकी डलरको माग बढेपछि मूल्य पनि बढेको राष्ट्र बैंकले जनाएको छ ।
