कोरोनासँग लड्न दातृ निकायबाट ४१ अर्ब सहायता लिर्दै सरकार
कोरोना भाइरससँग लड्न सरकारले दातृ निकायबाट ४१ अर्ब बराबरको सहायता लिने तयारी थालेको छ ।
विकास साझेदार निकाय विश्व बैंक, एशीयालि विकास बैंक (एडीबी) अन्तर्राष्ट्रिय मुद्रा कोष (आइएमएफ) सँग अर्थमन्त्रालयले गृहकार्य अघि बढाएको हो ।
‘अहिलेसम्म ४१ अर्ब बराबरको सहायता खोज्नका लागि छलफल अघि बढाएका छौं, सहयोग गर्न दातृ निकायहरु इच्छुक हुनुहुन्छ,’ अर्थमन्त्रालयका एक उच्च अधिकारीले बताए ।
उनका अनुसार सबैभन्दा बढि विश्व बैंकसँग रु.२४ अर्ब २२ करोड, एशियाली विकास बैंकसँग रु.७ अर्ब २६ करोड, अन्तर्राष्ट्रिय मुद्रा कोषसँग रु.१३ अर्ब ९ करोड ल्याउन छलफल अघि बढाइएको छ ।
आज आपत्कालीन, महामारी, पूर्वतयारी तथा नियन्त्रण योजनाअन्तर्गत करीब ३ अर्ब ४३ करोड रुपैयाँ सहुलियतपूर्ण ऋण उपलव्ध गराउनेबारे विश्व बैंकसँग समदारी भएको छ ।
यसअघि विश्व बैंकले प्राकृतिक प्रकोप तथा स्वास्थ्यसम्बन्धी विपद् न्यूनिकरणका लागि नेपाल सरकारलाई ६ अर्ब रुपैयाँ बराबरको ऋण सहयोग गरिसकेको छ ।
रोगबाट पर्ने जोखिम व्यवस्थापनका लागि सरकारले आफ्नो क्षमता विकासमा समेत यो रकम खर्च गर्दैछ ।
