कृषि विकास बैंकको अध्यक्षमा निरौला नियुक्त
नेपाल राष्ट्र बैंकका पूर्वकार्यकारी निर्देशक लक्ष्मीप्रपन्न निरौला कृषि विकास बैंकको सञ्चालक समिति अध्यक्षमा नियुक्त भएका छन् ।
नेपाल राष्ट्र बैंकका पूर्वकार्यकारी निर्देशक निरौला सरकारी स्वामित्वको बैंक अध्यक्षमा नियुक्त भएका हुन् । निरौला बुधबार बिहान अर्थमन्त्री स्तरीय निर्णयबाट अध्यक्षमा नियुक्त भएका छन् ।
निरौलासँग केन्द्रीय बैंकमा ३० वर्षको सेवा अनुभव छ । उनले साढे २५ वर्ष नेपाल राष्ट्र बैंकमा बिताएका थिए । त्यसैगरी डेढ वर्ष वित्तीय सुधार कार्यक्रमअन्तर्गत नेपाल बैंकको व्यवस्थापन टिममा बसेर काम गरे ।
त्यस्तै उनी २०५५ सालमा नेपाल बैंकको एक अर्ब रुपैयाँ कर्जा घोटाला काण्डमा अनुसन्धान गरेको अनुभव उनीसँग छ ।निरौलाले अर्थशास्त्र र जनप्रशासनमा स्नातकोत्तर गरेका छन् भने बैंकको ब्यवस्थापन समितिका सदस्य सचिव समेत थिए ।
उनी अवकाश हुने बेलामा राष्ट्र बैंकको प्रवक्ता थिए । उनी मुद्रा ब्यवस्थापन विभागका कार्यकारी निर्देशक थिए ।
निरौलाले बुधबार नेपाल राष्ट्र बैंकका गभर्नर डा.चिरन्जीबि नेपालसँगबाट पद तथा गोपनीयताको शपथ लिएका छन्
