चिनी उद्योगीले किसानकाे रकम तिर्न थाले, अन्नपूर्ण चिनी मिलद्वारा ५० लाख भुक्तानी
चिनी उद्योगीले किसानकाे रकम तिर्न थालेका छन । अन्नपूर्ण चिनी मिलका सञ्चालक राकेश अग्रवालले बिहीबार र शुक्रबार गरी उखु किसानको ५० लाख रुपैयाँ भुक्तानी दिएको उद्योग वाणिज्य तथा अपूर्ति मन्त्रालयलाई जानकारी गराएका हुन ।
मन्त्रालयका प्रवक्ता दिनेश भट्टराईका अनुसार उनले मन्त्रालयमा पुस २५ भित्र ५ करोड र माघको पहिलो सातामा १२ करोड तथा माघ भरीमा पूरै भुक्तानी गर्ने प्रतिबद्धता जनाएका छन् ।
अन्नपूर्ण चिनी मिलले मात्रै किसानको ४२ करोड रुपैयाँ भुक्तानी दिन बाँकी छ।
