पुडासैनी मृत्यु प्रकरण : अस्मिताको बयान सकियाे, रवी र युवराजकाे चल्दै
चितवन : पत्रकार सालिकराम मत्यु प्रकरणका आरोपीको बयान सुरु भएको छ ।
सरकारी वकिलको कार्यालयले आत्महत्या दुरुत्साहनसम्बन्धी अभियोग पत्र चितवन जिल्ला अदातलमा दर्ता गराएपछि अहिले आरोपीको बयान लिन सुरु भएको हो ।
अदातलका मुख्य न्यायाधीस हेमन्त रावलको इजलासमा भखैरै अस्मिता कार्कीको लिखित बयान लिने काम सकिएको बताइएको छ । अब युवराज कँडेल र रवि लामिछानेको बयान लिइने बताइएको छ।
बयान सकिएपछि बहस हुनेछ। आइतबार बहस हुने सम्भावना कम रहेको स्रोतले जनाएको छ । एउटै इजलासमा पालैपालो बयान लिइने भएकाले बयान लम्बिने देखिएको हो ।
उनीहरू तीनै जनालाई प्रहरीले आइतबार बिहान १० बजेपछि सरकारी वकिलको कार्यालयमा अनुसन्धान प्रतिवेदन मिसिलसहित पेस गरेको थियो । बहसपछि मात्रै रिहा गर्ने वा कारागार चलान गर्ने आदेश अदालतले दिनेछ ।
मृत्यु प्रकरणका आरोपी रवि, युवराज र अस्मितालाई गएको साउन ३० गते काठमाडौंबाट पक्राउ गरी चितवन ल्याइ प्रहरी हिरासतमा राखिएको छ ।
