प्रधानमन्त्रीको कडा प्रहार भने ‘संविधान संशोधन गर्न नसकिने विषय होइन’
सरकारले ल्याएको नीति तथा कार्यक्रममाथिको छलफलमा भाग लिँदै उहाँले केहीले संविधानको सर्वस्वीकार्यताको प्रश्न उठाएको भन्दै यस्तो असन्तुष्टि व्यक्त गर्नुभएको हो ।
संविधान असंशोधनीय दस्तावेज नभई औचित्यको आवश्यकताअनुसार संशोधन गर्न सरकार जहिल्यै पनि तयार रहेको बताउनुभयो । नागरिकका आवश्यकता, देशको भलाइका लागि संविधान संशोधन गर्न सरकार जहिले पनि तयार रहेको भन्दै कुनै एउटा सेक्टर र विद्वेष फैलिने गरी संशोधन हुन नसक्ने पनि प्रष्ट पार्नुभयो ।
उहाँले भन्नुभयो, ‘संविधान संशोधन गर्न नसकिने विषय होइन । तर यो कुनै लहडको विषय पनि होइन । राम्रा उदेश्यका लागि जहिल्यै पनि संशोधन हुन्छ, गर्न सकिन्छ ।’ के-के विषयमा संशोधन गर्ने भन्नेबारे छलफल गरेर अघि बढ्न तयार रहेको भन्दै लोकतन्त्र र समृद्धिको पक्षमा आवश्यक भए संशोधन गरेर अघि बढ्न आफूहरु तयार रहेको प्रष्ट पार्नुभयो ।
