साइबर सुरक्षा सम्मेलन ‘थ्रेट कन’ २०१८ काठमाडौंमा सुरु
काठमाडौं : साइबर सुरक्षा सम्मेलन ‘थ्रेट कन’ २०१८ काठमाडौंमा सुरु भएको छ ।
एसआईसीटी नेपाल र साइबर सुरक्षामा काम गर्दै आएको थ्रेट निक्सको आयोजनामा सुरु भएको सम्मेलनलाई विश्वमै प्रसिद्ध ‘ब्ल्याक ह्याट र डीईएफ कन’को नेपालको समकालीन सम्मेलनका रुपमा लिइएको छ ।
साइबर सुरक्षाको परम्परागत मान्यतालाई विस्थापित गर्दै यसमा व्यापक परिवर्तनको उद्देश्यसहित ‘थ्रेट कन’ आयोजना गरिएको आयोजक संस्थाले जानकारी दिएको छ ।
सम्मेलनको पहिलो दिन २ वर्कसप सञ्चालन भएको थियो । जसमा प्रतिक तिवारीले ‘बग बाउन्टि वर्कसप र जिम म्यानिकोले सेक्युर कोडिङ’ शिर्षकमा आफ्नो प्रस्तुति दिए । सम्मेलनमा क्यान महासंघ, इन्टरनेट सोसाइटी नेपाल च्याप्टर, एनपिक्स लगायतको सहकार्य रहेको छ ।
