रुुकम सिस्ने गाउँपालिकामा जिप दुर्घटना, ४ जनाको मृत्यु
रुकुम, २ साउन : पूर्वी रुकुमको सिस्ने गाउँपालिकामा भएको जिप दुर्घटनामा चार जनाको मृत्यु भएको छ ।
लु १ ज २५७३ नम्बरको जिप दुर्घटना हुँदा पुथाउत्तरगंगा गाउँपालिकाका–२, का २२ वर्षीय किरण पुन, सोही गाउँपालिका–१, का ३५ वर्षीय कुमार पुन, ३३ वर्षीय बुद्धिराज पुन र पुथाउत्तरगंगा गाउँपालिका–१३ की तिर्सना तुलाचनको मृत्यु भएको हो ।
दुर्घटनामा चालकसहित ७ जना घाइते भएका छन् । उनीहरुको रुकुमकोटमा उपचार भइरहेको छ । जीप धौलापैरा भन्ने स्थानमा दुर्घटना भएको हो ।
