गौतम निवासमा एमाले-माओवादी उच्चस्तरीय एकता संयोजन समितिको शीर्ष बैठक
एमाले र माओवादी केन्द्रका शीर्ष नेताहरु टिकट बाँडफाँटलाई अन्तिम रुप दिने गरी बैठकमा सहभागी भएका छन् । बैठक एमाले उपाध्यक्ष बामदेव गौतमको भैँसेपाटीस्थित निवासमा भइरहेको छ ।
दुवै दलका शीर्ष नेता सम्मिलित उच्चस्तरीय एकता संयोजन समितिको बैठक सुरु भएको हो । बैठकले टिकट बाँडफाँट सम्बन्धी कार्यलाई अन्तिम रुप दिने भएको छ ।
दुई पार्टीका नेता सम्मिलित टिक बाँडफाँट सम्बन्धी कार्यदलको बैठक सम्पन्न भएपछि शीर्ष नेता सम्मिलित बैठक सुरु भएको हो ।
एमाले श्रोतका अनुसार एमाले बैठकले टिकट बाँडफाँट सम्बन्धमा भएको निर्णयलाई पारित गर्नेछ । शीर्ष नेता सम्मिलित बैठक समाप्तीसँगै गौतम निवासमै एमाले स्थायी समिति बैठक बस्नेछ ।
