मृत्युदण्डको सजयबाट माफी पाएर १४ वर्षपछि परिवारसंग भेटेका उमेश विमानस्थलमै भक्कानिए
साउदी अरेबियामा मृत्युदण्डको फैसलाबाट माफी पाउदै स्वदेश फर्किएका प्रदेश २ स्थित धनुषाका उमेश यादवले झण्डै १४ वर्षपछि आफ्ना श्रीमती र छोराहरुलाई भेटेका छन्।
स्वदेश फर्किएको एकहप्तापछि सोमबार जनकपुर विमानस्थलमा ओर्लिएका उमेशले श्रीमती र परिवार देख्दा आफूलाई सम्हाल्न सकेनन्। श्रीमती सञ्जु उस्तै भावविह्वल बनिन्।
छोराहरुको आँखामा समेत आँशु थामिएन। १३ वर्ष बढी समय पर्खाइमा बिताएकी उमेशकी श्रीमती सञ्जु आफ्ना दुई छोराहरु कमलेश र हितेशसँगै जनकपुर विमानस्थलमा उनलाई पर्खिरहेका थिए।
उनीसँगै उमेशका भतिजाहरु, जेठो साढु राजकरण यादव, सासू दुर्गीदेवी र आफन्तजन समेत उमेशको स्वागतका लागि विमानस्थल पुगेका थिए।
