अमेरिकामा कारको ठक्करबाट एक नेपालीको मृत्यु
अमेरिकाको केन्टकी राज्यको लेक्जिङ्टनमा सडक दुर्घटनामा भएको छ । उक्त घटनामा एकजना नेपालीले ज्यान गुमाएका छन् ।
महोत्तरीको बर्दिबास घर भई हाल अमेरिका बस्दै आएका ५८ वर्षीय विष्णुप्रसाद सापकोटाको सडक दुर्घटनामा मृत्यु भएको त्यहाँका सञ्चारमाध्यमले जनाएका छन् ।
हिजो विहान मर्निङ वाकमा रहेका सापकोटालाई बाटो क्रस गर्ने क्रममा कारले ठक्कर दिएको थियो । कारको ठक्करबाट सापकोटाको मृत्यु भएको स्थानीय एनआरएन अभियन्ता पुरूषोत्तम बोहोराले जानकारी दिए।
सापकोटाको निधन भएको खबरले उनकी श्रीमती विमला सापकोटा मुर्छा परेकी थिइन् ्। उनलाई अस्पताल भर्ना गरिएको छ ।
मृतक सापकोटाको पार्थिव शरीर स्थानीय अस्पतालमा पोस्टमार्टमका लागि लगिएको छ । उनका छोरी–ज्वाइँको सल्लाहअनुसार मृतकको अन्त्येष्टीका बारेमा निर्णय गरिने बोहोराले बताए ।
