प्राधिकरणले लगायो सिम्रिक एयरलाइन्स जहाज उडानमा रोक
काठमाडौं : नेपाल नागरिक उड्यन प्राधिकरणले सिम्रिक एयरलाइन्सको जहाज उडानमा रोक लगाइएको छ ।
काठमाडौंबाट भरतपुर, पोखरा र भैरहवा उडान गर्दै आएको सिम्रिकलाई प्राधिकरणले स्वीकृत नगरायएका पाट पूर्जा प्रयोग गरेको भन्दै उडानमा रोक लगाउने निर्णय लिएको हो ।
यसअघि पटक पटक ध्याकर्षण गराउँदा पनि सुधार हुन नसकेको भन्दै उडानमै रोक लगाइएको प्राधिकरणका महानिर्देशक राजन पोखरेलले जानकारी दिए ।
यसअघि पनि मनोमानी पाट पूर्जा प्रयोग गरेको पाइएको थियो । अहिले पुन भेटिएपछि रोक लगाएका हौँ’ पोखरेलल भने ।
पाटपुर्जा मनोमानी प्रयोग गर्दा हवाइ सुरक्षामा गम्भीर असर गरेको पोखरेलको भनाई रहेको छ । उडानमा रोक लगाएसँगै सिम्रिकका पाँच वटा जहाज ग्राउण्डेड भएका छन् ।
