जोन अब्राहमको ‘बाटला हाउस’ले गर्यो पहिलो दिन नै धमाकेदार सुरुवात
बलिउड अभिनेता जोन अब्राहम स्टारर चलचित्र ‘बाटला हाउस ’ले बक्स अफिसमा राम्रो सुरुवात गरेको छ । भारतीय स्वतन्त्रता दिवसको दिन बिहीबारदेखि प्रर्दशनमा आएको चलचित्रले पहिलो दिन १४.५९ करोडको व्यापार गरेको बलिउड व्यापार विश्लेषक तरण आदर्शले ट्वीट गरेर जानकारी दिएका छन् ।
अक्षय कुमारको ‘मिसन मंगल’ पनि बिहीबारदेखि नै प्रदर्शनमा आएको छ । यसकारण व्यापारमा केही असर परेको छ । तर पनि समिक्षकहरुले चलचित्रको खुलेर तारिफ गरेका छन् । ‘बाटला हाउस’ जोन अब्राहमको हालसम्मको सबै भन्दा राम्रो ओपनिङ गर्ने चलचित्र बनेको छ ।
निखिल आडवाणीको निर्देशन तथा जोन अब्राहम र मृणाल ठाकुरको मुख्य अभिनय रहेको छ । यस चलिचत्र सन् २००८ मा दिल्लीको जामिया नगर इलाकामा भएको बाटला हाउस इन्काउण्टरको कथामा आधारित छ ।
