राजधानीमै भेटियो ५५० रोपनी जग्गामा गाँजा खेती
काठमाडौं : पछिल्लो समयमा राजधानीमै गाँजा खेती हुने गरेको पाइएको छ ।
राजधानीको तारकेश्वर तारकेश्वर नगरपालिका-१ कुन्चीपखलमा ५५० रोपनी जग्गामा गाँजा खेती हुने गरेको पाइएको हो । उक्त अवैध गाँजा खेती प्रहरीले नष्ट गरेको छ ।
महानगरीय प्रहरी वृत्त बालाजुका डीएसपी बाल नरसिंह राणाको कमाण्डमा खटिएको टोलीले उक्त जग्गामा लगाइएको गाँजा फडानी गरेको जनाइएको छ ।
समुदाय-प्रहरी साझेदारी कार्यक्रम अन्तर्गत ५५० रोपनीमा लगाइएको गाँजा खेती तारकेश्वर नगरपालिका वडा नम्बर १ र प्रहरीको संयुक्त टोलीले फडानी गरेको वृत्तका प्रमुख राणाले जानकारी दिए ।
