Logo
|| May 8, 2019

‘सामाजिक उत्तरदायित्वका लागि पत्रकारिता’

ढकिया साग टिप्न जादा १५ वर्षीय बालिकामाथी सामुहिक बलात्कारको प्रयास

सुनसरीको दुहवीमा १५ वर्षिय बालिकामाथि सामुहिक बलात्कारको प्रयास भएको पिडीतले आरोप लगाएको छ । दुहवी घर भएकी नाम परिवर्तन गरिएको पिडित बालिकाकी आमा पुजा ऋषिदेवले सामुहिक बलात्कारको प्रयास भएको भनि इलाका प्रहरी कार्यालय दुहवीमा जाहेरी दिएकी छिन ।

दुहवी १ प्राष्टोकी बस्ने जिवन चौधरी लगायत १० जनाको समुहमा आएकाहरुले सामुहिक बलात्कारको प्रयास गरेको जाहेरीमा उल्लेख छ । गत सोमवार ४ बजे बेलुकी दुहवी नगरपालिका वडा नम्वर २ पचिराको खेतवारीमा ढकीया साग टिप्न जाँदा जिवन चौधरी लगायत १० जनाको समुहले मुख च्यापी सुनसान वाँसको झारीमा घिर्सादै लगेर बलात्कारको प्रयास गरेको जाहेरीमा उल्लेख छ ।

बालिकाले भनिन जिवन चौधरीले मुख च्यापेर सुनसान ठाउँमा लगेपछि आफुले हारगुहार गरेर चिच्याएपछि मुडकी हानेर कुटपिट गर्दा होहल्ला सुनेर गाउँका मानिसहरु आएपछि उनिहरु भाग्न सफल भएको बताइन ।

हाल पिडित बालिकाको जिवन ज्योती स्वास्थ्य सेवा प्राली दुहवीमा उपचार भइरहेको छ । सो घटनाको बिषयमा इलाका प्रहरी कार्यालय दुहवीका प्रहरी निरीक्षक रामनारायण माझीसँग बुझ्दा अनुसन्धान गर्ने क्रममा ६ जना यूवाहरुलाइ पक्राउ गरिएको र घटनाबारे थप अनुसन्धान भइरहेको जानकारी दिएका छन ।

प्रकाशित मिति: २५ बैशाख २०७६, बुधबार १९:१६

प्रतिक्रिया दिनुहोस्