च्याम्पियन्स लिगमा खेल्ने नयाँ बल सार्वजनिक
युरोपियन फुटबल महासंघ (युइएफए) ले च्याम्पियन्स लिग फुटबलको नकआउट चरणमा प्रयोग गरिने नयाँ बल सार्वजनिक गरेको छ ।
बल निर्माता कम्पनी एडिडासले आफ्नो अफिसियल वेबसाइटबाट सोमबार च्याम्पियन्स लिगमा खेलाइने नयाँ बल सार्वजनिक गरेको हो ।
एडिडासले कम्पनीले बनाएको यस बललाई ‘म्याड्रिड १९’ नाम दिईएको छ । बलमा ‘म्याड्रिड १९ फाइनल’ समेत लेखिएको छ । युइएफए स्वयम्ले उक्त बललाई च्याम्पियन्स लिगको नकआउट चरणमा खेलाइने बलका रूपमा सार्वजनिक गरेको छ ।
अब प्रतियोगिताको फाइनलसम्म यही बल प्रयोग हुनेछ । च्याम्पियन्स लिगको अन्तिम १६ का खेलहरू फेब्रुअरी १३ देखि सञ्चालन हुनेछ ।
