इमरान खानले शनिबार पाकिस्तानमा २२ औं प्रधानमन्त्री पदको सपथ लिँदै
पूर्व क्रिकेटर इमरान खान पाकिस्तानमा २२ औं प्रधानमन्त्रीको रुपमा चुनिएका छन् । शुक्रबार नेशनल एसेम्बलीमा भएको निर्वाचनमा खान प्रधानमन्त्रीमा चुनिएका हुन् । पिटीआइएका अध्यक्षसमेत रहेका खानले पाकिस्तान मुस्लिम लिगका अध्यक्ष शहवाज शरीफलाई हराएका हुन् ।
निर्वाचनमा खानले १७६ मत प्राप्त गरेका छन् भने शरिफले ९६ मत प्राप्त गरेका छन् । प्रधानमन्त्रीमा निर्वाचित खान नेतृत्वको पार्टी पिटीआई जुलाई २५ मा सबैभन्दा बढी मत प्राप्त गरेर पाकिस्तानकै सबैभन्दा ठूलो पार्टी बनेको थियो । इमरानले शनिबार प्रधानमन्त्री पदको सपथ लिँदैछन् ।