रासायनिक कारखानामा विस्फोट, ६ जनाको मृत्यु र कम्तिमा २० जना घाइते
काठमाडौं । तेलङ्गानाको संगारेड्डी जिल्लाको पसामिलाराम औद्योगिक क्षेत्रमा रहेको एक रिएक्टरमा विस्फोट भएपछि ठूलो आगलागी भएको छ।
यो दुर्घटना त्यहाँको सिगाची केमिकल्स कारखानामा भएको बताइएको छ। दुर्घटनामा करिब २० जना गम्भीर घाइते भएका छन्।
मिडिया रिपोर्टका अनुसार यस दुर्घटनामा छ जनाको मृत्यु भएको बताइएको छ तर पाटन्चेरुका विधायक महिपाल रेड्डीले मृत्यु हुनेको संख्या अहिले नै खुलाउन नसकिने बताए।
बीबीसीले अहिलेसम्म यी मृत्यु हुनेहरूको संख्या पुष्टि गरेको छैन। घटनापछि दमकलका गाडीहरू घटनास्थलमा उपस्थित छन् र आगो नियन्त्रणको प्रयास भइरहेको छ।
