शिक्षक आन्दोलनको समाचार संकलनमा रिपोर्टिङमा खटिएकी पत्रकार कार्की घाइते
शिक्षक आन्दोलनको समाचार संकलनमा खटिएकी प्राइम टेलिभिजनकी पत्रकार पत्रकार सविना कार्की घाइते भएकी छिन् । उनी शिक्षक र प्रहरीबीच आइतबार नयाँबानेश्वरमा भएको झडपको समाचार संकलनमा फिल्डमा थिइन् ।
प्रहरीले हानेको पानीको फोहोराले कार्कीको आँखामा चोट लागेको प्राइम टेलिभिजनका सम्पादक मुकुन्द दाहालले जानकारी दिए । घाइते कार्कीको अहिले तिलगंगामा उपचार भइरहेको छ ।
पानीको फोहोराबाट घाइते भएकी उनलाई सुरूमा प्रहरीले बोकेर सिभिल अस्पताल लगेको थियो । त्यहाँ उपचार सम्भव नभएपछि उनलाई तिलगंगा अस्पताल पुर्याइएको छ ।
