राष्ट्र बैंकका कार्यकारी निर्देशक भट्टले दिए राजीनामा, गभर्नर बन्ने पक्का!
काठमाडौं- नेपाल राष्ट्र बैंकका कार्यकारी निर्देशक गुणाकर भट्टले राजीनामा दिएका छन्।
स्रोतका अनुसार सत्तारुढ दल कांग्रेस र एमालेबीच उनलाई गभर्नर बनाउने लगभग पक्कापक्की भएपछि उनले राजीनामा दिएका हुन्।
प्रधानमन्त्री केपी ओली र नेपाली कांग्रेसका सभापति शेरबहादुर देउवाबीच बुधबार साँझ भट्टको नाममा सहमति भएको थियो।
अर्थमन्त्री बिष्णु पौडेल संयोजक रहेको गभर्नर नियुक्ति समितिले भट्टसहित अन्य २ जनाको नाम गभर्नरमा सिफारिस गर्नेछ।
