भारतको उत्तराखण्डमा १० नेपालीको मृत्यु
काठमाडौं । भारतको देहरादुनको पहिरोमा पुरिँदा १० नेपाली कामदारहरुको मृत्यु भएको छन् । स्थानीय अधिकारीहरूका अनुसार देहरादुनको सदरमुकामबाट करिब १५० किलोमिटरमा पर्ने चित्रा गाउँमा आइतबार राति हावाहुरी चलेपछि ओडारमा ओत लाग्न गएका उनीहरूलाई पहिरोले पुरेको हो ।
भारतीय सञ्चारमाध्यमले पहिरोमा परी ६ जना घाइते भएको जनाएका छन् । पहिरोमा परेर ज्यान गुमाएकाहरूको पोस्टमार्टम भइरहेको छ र त्यहीँ अन्त्येष्टि गरिने बताइएको छ ।
तर, उनीहरूको सम्पूर्ण परिचय अझै खुलेको छैन। उनीहरू नेपालबाट सडक निर्माणको काम गर्न देहरादुन पुगेका थिए ।
