भक्तपुर बस्ने टिकटकर रमा बस्नेतविरुद्ध मुद्दा

यो पार्टीको लागि गृहमन्त्री भएको व्यक्ति हो भनी मैले पहिले भनेको थिएँ, ठोकुवा दिएर भनेको थिएँ, बुझ्नु भयो नि, त्यही निस्क्यो होइन त । एयरपोर्ट एक दिनमा दैनिकी पचास लाख गृह मन्त्रालयमा बुझाउँछ रे, यो कुरा अनि सरकारले यो कुरा के गरेर बसेको छ, कानमा के रुवा हालेर बसेको छ ? अब केपी चोरको लागि त यही गृहमन्त्री ठिक छ किन भने चोरलाई चोर नै मन पर्छ । राम्रो मान्छे त मन पर्दै पर्दैन ।’

दोस्रो भिडियो– अब कल्लाई फसाउन सकिन्छ भनेर कुरा मिलाउँदै हो, बाख्रा कि के हो ? प्रमाण हराएको मान्छे, भ्रष्टाचारी, देशद्रोही ।

यी दुई भिडियोले प्रधानमन्त्री, गृहमन्त्री र सांसद थापाको अपमान र बेइज्जत गरी द्वेष फैलाएको भन्ने प्राविधिक प्रहरी निरीक्षक राजेश सिंहको प्रतिवेदनका आधारमा जिल्ला सरकारी वकिल कार्यालय काठमाडौँले मुद्दा दायर गरेको हो ।

प्रहरीसामु बयानका क्रममा बस्नेतले देशको गृहमन्त्रीमाथि भिजिट भिसा प्रकरणमा सदनलगायत जनमानसमा प्रश्न उठे पनि अनुसन्धानमा सघाउन राजीनामा नदिएकाले पहिलो भिडियो बनाएको बताएकी छन् । यस्तै राष्ट्रिय स्वतन्त्र पार्टी (रास्वपा) का सभापति रवि लामिछानेलाई दुःख दिइएको, प्रमाण छ भन्ने नेता थापाले प्रमाण पेस गर्न नसकेको हुँदा चित्त नबुझी भिडियो बनाएको बताएकी छन् ।

अभियोग पत्रमा विद्युतीय कारोबार ऐन २०६३ को दफा ४७(१) बमोजिम सजायको माग गरिएको छ । साथै बस्नेतका साथबाट बरामद दुई थान मोबाइल जफत गर्न पनि माग गरिएको छ । उक्त दफामा ५ वर्ष कैद वा एक लाख जरिवाना वा दुवै हुने व्यवस्था रहेको छ ।