भिजिट भिसा प्रकरणमा : संसदमा थप सशक्त भएर प्रस्तुत हुने रास्वपाको निर्णय
राष्ट्रिय स्वतन्त्र पार्टी (रास्वपा) ले भिजिट भिसा प्रकरणमा थप सशक्त भएर संसदमा प्रस्तुत हुन सांसदहरूलाई निर्देशन दिएको छ ।
बिहीबार बसेको रास्वपाको सचिवालय बैठकले भिजिट भिसा प्रकरणमा संसदमा सशक्त भएर प्रस्तुत हुन सांसदहरूलाई निर्देशन दिएको हो । बैठकले पार्टीको आन्तरिक जीवनदेखि संसदसम्मको निर्णय गरेको छ ।
त्यस्तै, रास्वपाले विभिन्न विभागमा मनोनयन तथा जिम्मेवारी हेरफेर गरेको छ । नीति तथा विचार विभाग प्रमुख स्वर्णिम वाग्ले र उपप्रमुख सन्तोष परियार, कृषि विभाग प्रमुख राजन गौतम र ऊर्जा तथा जलस्रोत विभाग संयोजकको जिम्मेवारी श्रीराम न्यौपानेलाई दिइएको छ ।