गुल्मीको रेसुङ्गामा मोटरसाइकल दुर्घटना हुँदा एकजनाको मृत्यु
गुल्मीको रेसुङ्गामा मोटरसाइकल दुर्घटना हुँदा एकजनाको मृत्यु भएको छ। दाङको गडवा गाउँपालिका ३ का २७ वर्षीय निशान चौधरीको मृत्यु भएको प्रहरीले जनाएको छ।
जिल्ला प्रहरी कार्यालय गुल्मीका डीएसपी गंगाबहादुर सारुका अनुसार सोमबार बिहान तम्घास आउँदै गरेको लु ९७ प ७४७९ नम्बरको मोटरसाइकल रेसुङ्गा नगरपालिका ६ सिमाघाटमा दुर्घटनामा परेको हो।
चौधरीले चलाएको मोटरसाइकल अनियन्त्रित भई पल्टिएको प्रहरीले जनाएको छ। मोटरसाइकल बाटो छेउको नालीमा पल्टिँदा घटनास्थलमै उनको मृत्यु भएको डीएसपी सारुले जानकारी दिए।
