आवासीय चिकित्सकहरूको आज पनि प्रदर्शन (तस्वीरहरू)
१५ वैशाख, काठमाडौं । आवासीय चिकित्सकहरूले आज पनि प्रदर्शन जारी राखेका छन् ।
माइतीघर मण्डलामा आवासीय चिकित्सकहरू आफ्ना माग पूरा गर्नुपर्ने नारासहितका प्लेकार्ड बोकेर आन्दोलनमा उत्रिएका हुन् ।
सरकारी सरह निर्वाह भत्ता लगायतका माग चिकित्सकले अघि सारेका छन् ।
यसअघि उनीहरूले स्वास्थ्य मन्त्रालय सहित देशभरका जिल्ला प्रशासन कार्यालय अगाडि प्रदर्शन गरेका थिए ।
चिकित्सा शिक्षा आयोगको २५ माघमा बसेको १६ औं बैठकले आवासीय चिकित्सकलाई सरकारी आठौं तहको तलब सुविधा दिन निजी मेडिकल कलेजलाई निर्देशन दिएको थियो । तर निजी मेडिकल कलेजले निर्देशन अवज्ञा गरेका छन् ।
आन्दोलनरत चिकित्सकका अगुवाहरुले चिकित्सा शिक्षा आयोगको निर्णय कार्यान्वयनको माग गरेका छन् ।
